Ненадејниот пад на интересот за криптовалутите, како биткоинот, исто така има влијание врз бизнис перспективите за американскиот технолошки гигант „Nvidia“.
Во тековниот квартал, приходите веројатно ќе бидат во опсег до 3,25 милијарди долари (плус или минус 2 проценти), изјави експерт за графички картички по берзанската сесија во Њујорк во четвртокот.
Аналитичарите очекуваат просечна продажба од околу 3,34 милијарди долари.
Иако „Nvidia“ се претстави подобро во последниот квартал, отколку што се очекуваше, ваквата прогноза ги притиска акциите надолу, па тие загубија во проширената трговија до шест проценти, пишува „The Wall Street Journal“.
Целокупната „Nvidia Corp.“ објави силна заработка за вториот квартал, но предупреди дека приходите од производите за криптовалути биле значително послаби од очекуваното.
Производителот на чипови претходно очекуваше крипто-производите да генерираат околу 100 милиони долари приходи во текот на кварталот, но овие производи генерираа само 18 милиони долари, рече директорот за финансии, Колет Крес.
Компанијата е најпозната за развој на чипови кои се користат во сè, од суперкомпјутери до системи за видео игри. Акциите на компанијата се зголемија повеќе од четири пати во текот на изминатите две години, делумно поради тоа што „Nvidia“ развива производи за вештачка интелигенција за брзорастечкиот сектор на центарите за податоци. Компанијата исто така разви технологија за поддршка на самоуправувачки возила.
За кварталот кој завршува на 29-ти јули, заработката речиси двојно се зголеми на 1,1 милијарда долари, или 1,76 долари по акција. Исклучувајќи некои еднократни ефекти, производителот на чипови предвиде профит од 1,94 долари за акција, што ја надмина просечната оценка на аналитичарите за 1,85 долари за акција, покажуваат податоците на „FactSet“.
Приходите скокнаа за 40 отсто на 3,12 милијарди долари, малку надминувајќи ги очекувањата на аналитичарите од 3,11 милијарда долари.
Генерално, „Nvidia“ објави дека приходите од игри се зголемиле за 52 отсто на 1,8 милијарди долари, скоро 3 отсто повисоки од аналитичарите. Резултатите од „Nvidia“ скокнаа во сегментот и покрај послабата продажба на „Nintendo Switch“ уредот кој ги користи чиповите на компанијата. Во трите месеци, кои завршуваат во јуни, „Nintendo Co.“ рече дека продал 1,88 милиони конзоли, што е намалување од 1,97 милиони годишно претходно.
„Nvidia“ објави дека бизнисот со центри за податоци, најбрзо растечкиот сегмент, оствари приход од 760 милиони долари, што претставува зголемување за 83 отсто повеќе од една година порано. Аналитичарите анкетирани од „FactSet“ прогнозираа 744 милиони долари за сегментот. Чипови на производителот биле многу барани, бидејќи компаниите како што се „Microsoft Corp.“ и „Amazon.com Inc.“ инвестираа многу во инфраструктурата на информативните центари.
