Инвестициите во хотели во Европа достигна 21 милијарди евра во вториот квартал од 2018-та година, што претставува раст од 5,8% во обемот од трансакции на годишна основа, покажуваат податоците на консултантската компанија „CBRE“.
Меѓу април и јуни вкупниот обем на инвестиции во сите имотни сектори на Стариот континент има постигнато раст од 4% во однос на истиот период од минатата година.
Инвестициите во хотели во Европа во текот на вториот квартал беа поттикнати од силниот раст и трајната побарувачка од страна на инвеститорите, особено во Велика Британија, Германија и Холандија.
Инвестициите во хотели на Островот достигнаа 8,2 милијарди евра во вториот квартал од 2018-та година, што е раст од 95,1% на годишна основа. Една од најголемите зделки во овој период беше продажба на британското портфолио на компанијата „Project Ribbon“ кое се состои главно од хотелите „Holiday Inn“, за 742 милиони фунти (833 милиони евра) во мај.
Германија бил втор по големина пазар за инвестиции во хотели во Европа во првото полугодие, а обемот на инвестиции се зголеми за 5,8% на годишна основа, што се одразува на зголемувањето на ликвидноста на пазарот.
Холандија исто така има обезбедено силен раст од 83,5% на годишна основа на инвестициите во хотели, кои се водени од значителното зголемување на инвестициската активност во последните четири квартали.
„Германија продолжува да е клучен пазар за инвестициите во хотели, така што привлекува се поголем странски капитал. Во првото полугодие од 2018-та година, обемот на трансакции со хотели во Германија достигна 1,9 милијарди евра и тој се должи на неколку големи зделки со средства, вклучувајќи купување на „Hilton Berlin“ од „Aroundtown“ за 297 милиони евра и продажбата на „Leonardo Royal Munich“ за 157 милиони евра на „Invesco Real Estate““, вели Оливија Каусен, шеф на одделот „хотели“ во германскиот огранок на „CBRE“.
Португалија исто така се претставува добро, така што регистрира раст на обемот на инвестиции со 201,4% на годишна основа, а приносот е намален во вториот квартал, што се одразува на зголемениот апетит на инвеститорите во хотелски средства во Лисабон и Порто.
Профитабилноста на повеќето европски пазари останала стабилна во вториот квартал во позадина на одржливиот апетит на инвеститорите кон хотелите. Но приносот кон хотели во Барселона се зголемил за 25 базични поени поради континуираната политичка несигурност во Каталонија.
„Вкупниот раст на трошоците на корисниците и зголемената побарувачка на патувања кои обезбедуваат незаборавни искуства, се одразуваат позитивно на хотелскиот сектор во Европа. Поради тоа гледаме силна побарувачката од инвеститорите кои се стремат да имаат корист од овие трендови. Хотелскиот сектор им обезбедува на инвеститорите можности за фиксни или силно движечки приходи што условува и хетероген карактер инвестиран во секторот капитал – од традиционални до опортунистички инвеститори“, вели Колин Лоу, шеф на одделот „Инвестиционен имот во Европа, Блискиот Исток и Африка“ во „CBRE“.
