Општина Центар продолжува со летната акција за собирање отпад и расчистување на депониите на територија на општината.
Оттаму преку соопштение испратија апел до грѓаните да ја почитуваат животната средина и да не фрлаат ѓубре и отпадоци на необележани и несоодветни места.
„Службите на општина Центар се веќе на терен и ги расчистуваат депониите, а сите граѓани што ќе бидат затекнати ќе бидат санкционирани од инспекциите“, се вели во нивното соопштение.
Жителите на општината, додаваат оттаму, исто така може и да пријават диви депонии или необележани места за фрлање отпад.
