Луѓето со влегувањето во новата година посакуваат и нов почеток, особено кога размислуваат за својата кариера. Но, притоа треба да бидат внимателни…
Доколку се чувствувате неисполнето на моменталното работно место тоа не значи дека треба по секоја цена да ја промените околина во истиот момент и да го прифатите првото место кое ви се нуди.
Ова се шестте причини поради кои никако не би требало да дадете отказ.
1. Љубомора
Веројатно сте слушнале од некој познаник колку ја сака својата работа и колку е задоволен со месечната заработка. Но тој најверојатно не ви раскажал и за лошите страни на истата работа, како долгото работно време и зголемениот стрес. Исто така бидете свесни дека секоја работа е специфична и колку и да ви звучи примамливо кога ги слушате другите дека зборуваат за неа, во реалноста ситуацијата може да е сосема поинаква.
2. Досада
Можеби ви е досадно на работа, и сметате дека задачите не се премногу динамични. Но тоа не е вистинската причина за отказ. Можеби ви е потребен поголем предизвик на истото работно место.
3. Премногу работа
Бидете свесни дека ќе дојде период и кога ќе имате помалку работа, затоа не брзајте со одлуката да ја напуштите работата. Обидете се да зборувате со шефот доколку сметате дека стресот започнува негативно да влијае на вашата работа.
4. Имате лош ден или недела
Тоа ќе ви се случува на секое работно место. Некои работи едноставно мора да ги претрпите, но треба да знете дека таа ситуација набрзо ќе помине.
5. Колегите на работа
Во секоја група на луѓе ќе пронајдете некој кој го сакате и некој кој не го поднесувте. Така и на работното место. Со оние кои не ги сакате или не се согласувате не навлегувајте во расправии, а интеракцијата нека биде минимална.
6. Се чувствувате недоволно ценети
Тоа ќе го промените со квалитетната работа и поголемите залагања. Но не очкеувајте резултати преку ноќ. Исто така, промената на работното место нема автоматски да ви донесе почитување од страна на новите колеги и надредени. За нивната наклонетост потребно е повеќе да се потрудите отколку на старото работно место.
