Дали ова е причината зошто Путин „собра“ 2.000 тони злато?

Податоците на Централната банка на Русија покажуваат дека златото кое го имаат во оваа земја се приближува до бројката од 2.000 тони.

Тоа е раст од 17 отсто од вкупните резерви на Русија.

„Тоа што одлучила да купи американски обврзници е паметен потег“, вели аналитичарот на пазарот за благородни метали Дмитриј Спек.

„Исто така, тоа е еден вид политичка декларација, затоа што земјата има премногу долари кои може да станат предмет на политичка уцена“, вели овој експерт од Минхен.

„Русија е во ситуација кога се соочува со политички санкции од САД, и поради тоа има добра причина да игра на сигурно и да се клади на злато“, додава тој.

Според Спек, постои голема разлика помеѓу Русија и Кина кога станува збор за диверзификација на нивните резерви во злато и долари.

„Во Кина злато купуваат пред се приватниците и компаниите. Централната банка исто така купува злато, но уделот во однос на вкупните резерви во Кина е многу мал. Од друга страна, приватните купувачи купуваат големи количини на злато“, вели Спек.

Наспроти тоа, главниот купувач на злато во Русија е нејзиниот главен финансиски регулатор.