Британската нафтена компанија „BP“ купува дел од „BHP Billiton“ во САД за сума од 10,5 милијарди долари, склучувајќи ја најголемата зделка во последните речиси 20 години, пишува „Ројтерс“.
Британската компанија повторно ги покажува амбициите по големата катастрофа, предизвикана од уништувањето на сондата „Deepwater Horizon“ во Мексиканскиот залив во 2010-та година. „ВР“ и понатаму плаќа 65 милијарди американски долари парични казни и штети за штетата што тогаш ги предизвика и за чистење на заливот од загадување.
Така зделката станува важен чекор во развојот на „BP“, но во исто време „BHP“ ужива да се ослободи од „најскапата и ненавремена инвестиција“, дополнува „The Wall Street Journal“.
Уште во почетокот на револуцијата со шкрилци во САД, во 2011-та година, компанијата плати 20 милијарди долари за овие средства, но се покажа дека не е проценет правилен обем на наоѓалишта, како и цената на технологијата за екстракција на гас.
По колапсот на цените на нафтата и нафтените продукти, а „BHP“ имаше огромни загуби од оваа инвестиција. Продажбата ги омекна инвеститорите и акциите на австралиската компанија се зголеми за 2,2 отсто на берзата во Сиднеј.
Со купувањето на овие средства, „ВР“ го зголеми своето присуство на американскиот енергетски пазар. Со реализацијата на нејзиниот дневниот принос ќе се зголеми за 190.000 барели нафта и гас на ден, а резервите ќе се зголемат за 4,6 милијарди барели, што е добар знак за иднината на компанијата во следната деценија.
