„Land Rover“ го патентираше името „Road Rover“, кој, според „Autocar“, ќе се користи за првиот електричен модел на брендот. Самиот производител се уште молчи во врска со ова прашање.
„Autocar“ тврди дека електричниот „Road Rover“ најверојатно ќе дебитира на автомобилскиот саем во Лос Анџелес на крајот на 2019-та година, а се очекува луксузниот модел да биде силна конкуренција на „Mercedes-Benz S-Class“. Се претпоставува дека првично автомобилот ќе биде понуден на американскиот и кинескиот пазар, а неговата цена ќе изнесува околу 101.000 евра.
Заедно со „Electric Road Rover“, Британците исто така го развиваат и електричниот „Jaguar XJ“. Двата модели ќе лежат на алуминиумска платформа. Тие ќе добијат верзии со погон на четири тркала, со два електрични мотори кои ги ротираат двете оски. Од двата модели се очекува да патуваат 480 километри со едно полнење, а забрзувањето од 0 до 100 км/ч ќе трае околу 3,5 секунди.
Претходно, „Jaguar Land Rover“ вети дека ќе ги направи сите свои нови модели хибридни и електрични. Оваа програма треба да започне во 2020-та година. Производителот веќе има електричен „Jaguar“ наречен „I-Pace“. Автомобилот се напојува со два мотори кои обезбедуваат погон на четири тркала.
