Според резултатите на новата анкета на агенцијата „Форца“, повеќе од половина од Германците сметаат дека Европа може да се одбрани без американска воена поддршка.
Само 37 отсто од испитаниците изјавиле дека веруваат оти Европа зависи од американската воена помош.
Истражувањето покажа дека не постои значајна разлика помеѓу источниот и западниот регион на Германија. На исток 60 отсто од граѓаните веруваат дека на Европа не ѝ е потребен Вашингтон, а на запад 55 отсто.
Американскиот претседател, Доналд Трамп, им постави ултиматум на европските сојузници на 12 јули на самитот на НАТО и ги предупреди дека ќе ја повлече поддршката на САД ако Европа не преземе голем дел од финансисирањето на алијансата.
Речиси 84 отсто од анкетираните велат дека се апсолутно апсурдни коментирате на Трамп дека Русија преку гасот ја контролира Германија. Дури 92 отсто од луѓето рекоа дека мотивот на Трамп за таквата изјава е да ја промовира продажбата на американскиот течен гас.
Истражувањето опфати 1.004 лица.
