Рејтинг агенцијата „S & P Global Ratings“ во петокот објави дека ги зголемува перспективата за Грција до позитивна од стабилна, а во исто време го потврди рејтингот „Во +/В“, соопштува „Ројтерс“.
Перспективата го одразува потенцијалното подобрување, ако грчките власти ја зајакнат конкуренцијата на пазарите на стоки, ги зајакнат правата на сопственост, ги олеснат постапките за стечај и го подобрат спроведувањето на договорите, изјави „S & P“.
Рејтинг агенцијата сега гледа засилена политичка стабилност која ги поддржува грчките банки и економијата, додавајќи дека прогнозите за раст на земјата ќе се подобрат како резултат на приватните инвестиции во туризмот и логистиката, поради големите јавни инфраструктурни проекти.
Реалниот раст на БДП-то се очекува да биде помеѓу 2% и 2,5% во текот на следните три години, рече „S & P“.
Минатиот месец агенцијата го зголеми рејтингот за долгорочниот долг на Грција, кои се базираше на намалените должнички ризици, како резултат на создавањето на парични амортизери и продолжување на достасувањето на обврските.
Претседателот на Еврогрупата Марио Сентену рече минатиот викенд дека земјите од еврозоната ќе ги распределат завршните 15 милијарди евра од спасувачкиот заем кон Грција во август.
Грција се потпира главно на пари, дадени од владите во еврозоната со три спасувачки заеми од 2010-та година, кога го загуби пристапот до пазарите поради големиот буџетски дефицит, огромниот јавен долг и неефикасната економија и општествен систем.
