Општина Аеродром соопшти дека деновиве почна со реконструкција на подовите во основните училишта „Љубен Лапе“ и „Лазо Ангеловски“.
Во рамки на активностите се заменуваат старите подови со нови еластични ПВЦ-подови во училниците, односно кабинетите каде што се одржува настава, за што Општината издвои околу 2 милиони денари од сопствениот буџет.
Исто така, во основното училиште „Лазо Ангеловски“ се реконструира подот во холот на училиштето, со средства обезбедени од самото училиште.
