Јавното претпријатие за јавни паркиралишта „Паркинзи на Општина Центар“ почна со ажурирање на податоците на корисниците на затворените паркиралишта со кои стопанисува заради подобрување и унапредување на паркинг-услугите, а со цел обезбедување повеќе слободни паркинг-места за жителите.
Сите корисници на затворените паркиралишта ќе бидат информирани преку СМС-порака и ќе треба лично да дојдат во дирекцијата на ЈП ПОЦ со документите потребни за добивање кориснички договори за паркинг.
Ажурирањето на податоци ќе почне од паркиралиштето „Дом на градежниците“, а во наредните два месеца ќе се спроведе и на другите две затворени паркиралишта – „Аутомакедонија“ и „Трготекстил“.
