И покрај тоа што оваа година криптовалутите изгубија голем дел од нивната вредност, сé уште има гласови кои предвидуваат нови зголемувања на цените во блиска иднина.
„Во декември цената на биткоинот беше на историско ниво од 20.000 долари. Потоа предвидов дека во 2018-та година ќе видиме минимум од 5.000 долари и максимум од 60.000 долари. Веќе е постигната цената од 5.000 долари, па останува да се види дали ќе достигне 60.000 долари. Сè уште сум сигурен“, изјави Џулијан Хосп, претседател и ко-основач на „TenX“, стартап кој нуди портфолио на криптовалути и картичка за исплата, објави „CNBC“.
Навистина, цената на биткоинот веќе се намали на скоро 5.000 долари, достигнувајќи 8-месечен минимум од 5.700 долари на крајот од минатиот месец. Потоа, цената се враќа на линијата, во моментот на 6.210 долари, според „CoinMarketCap“.
„За да се направи прогноза за цена од 60.000 долари, ќе биде потребен голем настан во оваа година“, додаде Хосп. Според него, ова би можело да биде вест за „ETF“ врз основа на биткоинот или позитивна изјава на држава за оваа тема.
Ако ништо слично не се случи во 2018-та година, ќе потрае долго време кога битконот ќе достигне околу 60.000 долари, признава претприемачот.
Наспроти позадината од минатото полугодие од 2018-та година, Хосп смета дека биткоинот треба да се зголеми на над 10.000 долари во август за да има шанса да достигне 60.000 долари за кои станува збор.
Според зборовите на основачот на „блокчејн“ софтверската компанија „ConsenSys“ и еден од програмерите на Етериум, Џозеф Љубин, програмерите сега се фокусирани повеќе на градење на инфраструктура, отколку на цената на пазарот.
„Да ја оставиме цената да се поправи сама од себе“, вели тој, признавајќи дека високата цена сепак има позитивен ефект врз бизнисот.
„Ако цената е висока или ако има отскокнување и паѓање, обично е добро за нас, бидејќи привлекува внимание кон нашиот екосистем, привлекува претприемачи, технолошки експерти и секаков друг интерес, кој ја зголемува вредноста фундаментално“, вели Љубин.
