Disney го промени својот кампус во Њујорк во договор вреден 650 милиони долари

„Walt Disney“ се согласи да ги продаде своите канцеларии во „Upper West Side“ во Менхетен и да ги купи правата на друг имот, кој ќе стане новиот кампус во Њујорк на гигантот во забавната индустрија, соопштува „Bloomberg“.

Компанијата ги продава своите канцеларии на „West 66th Street“ и сродните згради за 1,15 милијарди долари на „Silverstein Properties“ и стекнува 99-годишни права врз земјата на „4 Hudson Square“ од компанијата „Trinity Church Wall Street“ во посебна трансакција, и се проценува на 650 милиони долари.

„Одлуката е историски чекор напред кон нашата долгорочна визија за операциите во Њујорк“, рече извршниот директор на компанијата Роберт Ајгер во соопштението со кое го објави купувањето. „„Hudson Square“ брзо се претвора во динамичен, иновативен центар за медиумскиот, технолошки и друг креативен бизнис“, додаде тој.

„Disney“ планира да изгради нова високо-технолошка зграда и да се консолидира голем дел од телевизиската продукџија во Њујорк таму, соопшти компанијата. Во новиот кампус ќе се сместени емисии на „ABC News“, како „The View“, локалниот партнер „WABC“ и новите операции за видео стриминг, кои во моментов се наоѓаат во „Chelsea Market“. „Добро утро, Америка“ ќе остане на „Times Square“.

Посредник за договорот за „Disney“ била компанијата „Eastdil Secured“, додека „Trinity“ била претставена од „CBRE Group“.

Продажба на имотот во „Upper West Side“ не ја вклучува блиската зграда „Armory“. Главниот извршен директор на „Silverstein“, Марти Бургер изјави дека компанијата планира „да работи во соработка со сите свои акционери“ за иднината на имотите на „West Side“.