Widgetized Section

Go to Admin » Appearance » Widgets » and move Gabfire Widget: Social into that MastheadOverlay zone

Николовски: Македонија првпат ќе биде земја партнер на саемот АГРА во Словенија

Време: 10:07

Датум: јули 11, 2018

Категорија: ЕКОНОМИЈА

Република Македонија ќе учестува како земја партнер на 56. издание на меѓународниот саем за земјоделство и храна АГРА 2018, што ќе се одржи од 25 до 30 август во Горна Радгона, Република Словенија. Оваа година фокусот на саемот ќе бидат младите земјоделци и нивното вклучување во агробизнисот.

„Добивањето покана за партнерство на овој меѓународен саем, кој се смета за еден од најважните саеми за земјоделство и храна во централна Европа, е доказ за негувањето пријателски односи и доверба со Република Словенија и претставува силна поддршка на нашата земја во евроинтегративниот процес и во нашите заложби за европско, модерно, ефикасно и конкурентно земјоделско производство, кое со својот квалитет ќе биде препознатливо на надворешните пазари“, изјави министерот за земјоделство, шумарство и водостопанство, Љупчо Николовски.

Усогласувањето на македонското земјоделство со европското земјоделство претставува приоритет во евроинтегративниот процес на Република Македонија.

„Не постои подобрa можност од овој настан на кој Република Македонија може да го претстави својот потенцијал пред меѓународната заедница во време кога Македонија со големи чекори оди по патот на ЕУ и НАТО, пренесувањето и размената на искуства е тоа што всушност го нуди ЕУ во рамките на своите членки, тоа е добар начин за припрема на македонското земјоделство и другите институции пред преговорите за членство со ЕУ“, изјави Милан Јазбец, амбасадор на Словенија во земјата.

Република Македонија како земја партнер ќе ја искористи оваа шанса да се претстави од повеќе аспекти пренесувајќи ги своите традиционални вредности при производството на храна и вино, на културно богатство, туризам, а ќе ги претстави и можностите за инвестиции.
Презентацијата на земјата ќе ги содржи следните компоненти:

– Вкусот на Македонија – со акцент на промоција на македонската конзервна индустрија, односно преработките од овошје и зеленчук, како познатиот македонски ајвар, лутеницата и други традиционални производи чиј извоз е со постојан раст, понатаму македoнското традиционално овчо сирење и македонското јагне;

– Органска Македонија – односно Македонија како земја богата со еколошки региони погодни за производство на здрава органска храна чија потрошувачка е во постојан тренд на раст, особено на европскиот пазар;

– Вината на Македонија – промоција на квалитетното пакувано вино како производ со додадена вредност и голем потенцијал за извоз, како и градење препознатливост на Македонија како винска земја;

– Македонија како туристичка дестинација и земја со можности за инвестирање.

Од буџетот на Министерството во Програмата за финансиска поддршка на руралниот развој за 2018 година се обезбедени средства за изнајмување на штандот и за негово дизајнирање со национални обележја. Учество на саемот може да земат фирмите во областа на земјоделството и преработувачката индустрија, кои може да ја искористат оваа одлична можност за промоција на своите производи и поврзување со деловните партнери надвор од Македонија.

КОМЕНТАРИ

НАЈНОВО ОД КАТЕГОРИЈАТА

  • Тевдовски: Инвестициите во Албанија и Бугарија забележаа сериозен раст откако земјите влегоа во НАТО

    Тевдовски: Инвестициите во Албанија и Бугарија забележаа сериозен раст откако земјите влегоа во НАТО

    Министерот за транспорт и врски, Горан Сугарески, денеска оствари посета на индустриската зона Визбегово во општина Бутел, каде го најави почетокот на проектот за изградба…

  • Визбегово ќе добие водовод и канализација, најави Сугарески

    Визбегово ќе добие водовод и канализација, најави Сугарески

    Министерот за транспорт и врски, Горан Сугарески, денеска оствари посета на индустриската зона Визбегово во општина Бутел, каде го најави почетокот на проектот за изградба…

  • Катастарски услуги за фирмите и институции само електронски од 1 октомври

    Катастарски услуги за фирмите и институции само електронски од 1 октомври

    Агенцијата за катастар на недвижности ја пушти во функција надградената апликација „еКат шалтер“ преку која геодетските фирми, министерствата, општините, банките, нотарите и извршителите ќе можат електронски…

  • Рамнотежа, дисциплина, промена – трите столба на новата турска економска програма

    Рамнотежа, дисциплина, промена – трите столба на новата турска економска програма

    Рамнотежа, дисциплина и промена – тоа се основите на среднорочниот економски план на Турција, претставени денес од Министерот за финансии и државната каса Берат Албајрак,…

  • Тевдовски поддржува решение пензонерите да не одат за регистрација во УЈП

    Тевдовски поддржува решение пензонерите да не одат за регистрација во УЈП

    Министерот за финансии Драган Тевдовски денеска изјави дека поддржува наоѓање решение со кое ќе се овозможи пензионерите без дополнителни приходи да немаат обврска да одат…

  • Подобрување на европскиот транспортен коридор со 10 милиони евра кредит од ЕБОР

    Подобрување на европскиот транспортен коридор со 10 милиони евра кредит од ЕБОР

    ЕБОР ја финансира модернизацијата на патната мрежа во Македонија со цел да ја подобри транспортната инфраструктура во земјата и да ја поттикне националната економија. Кредитот…

  • Московичи: Италија мора да го задржи својот долг под контрола

    Московичи: Италија мора да го задржи својот долг под контрола

    Италија треба да вложи напори за одржување на државниот долг под контрола, изјави еврокомесарот за економски прашања, Пјер Московичи. Ова може да се случи со…

  • Пазарите во Европа отворени за македонските производи, недостигаат европските стандарди

    Пазарите во Европа отворени за македонските производи, недостигаат европските стандарди

    Пазарите во Европа немаат бариери за увоз на македонски производи, но она што им недостига на македонските компании е што треба да имаат исполнето соодветни…

  • Тројца нови милијардери од … марихуана

    Тројца нови милијардери од … марихуана

    Првиот фонд за бизнис инвестирање кој ги насочил вложувањата во растечката индустрија на канабисот, создаде тројца милијардери, пишува „Fortune“. Брендон Кенеди, Мајкл Блу и Кристијан…

  • Во 2017 година рекордно производство на кокаин во Колумбија

    Во 2017 година рекордно производство на кокаин во Колумбија

    Производството на кокаин во Колумбија достигна рекордно ниво во 2017 година, според неодамна објавената статистика на ОН. Канцеларијата на Обединетите нации за дрога и криминал…