Велика Британија ќе ја зголеми помошта за Западен Балкан со 95%, до 80 милиони фунти, се вели во соопштението на британската влада.
Денес е главниот ден од работата на форумот за Западен Балкан во Лондон, на кој ќе присуствуваат владини и државни лидери од регионот, а исто така европски лидери, меѓу кои германската канцеларка Ангела Меркел.
„Премиерот Тереза Меј најави пакет мерки, кои имаат за цел да помогнат да напредува Западен Балкан за сметка на подобрување на колективната безбедност и зголемувањето на економската стабилност во регионот“, се вели во соопштението.
„Новиот пакет мерки предвидува зголемувањето на финансиската помош од Велика Британија со 95% – од 41 милиони фунти во 2018-2019 година до 80 милиони во 2020-2022 година“, се посочува во коминикето.
Претходно Велика Британија објави дека ќе додели 10 милиони фунти за обука на млади од Западен Балкан на компјутерска писменост и дигитални технологии и уште 1 милион – за надминување на последиците од конфликтите.
Главни теми на денешната средба во Лондон ќе бидат регионалната соработка во областа на безбедноста, засилувањето на економската стабилност и политичката соработка.
