Грчките домаќинства сè уште не го почувствуваа економскиот пресврт на земјата, според податоците на Грчката федерација на претприемачи (СЕВ).
Во својот неделен билтен, цитиран од „Катимерини“, организацијата вели дека владата не треба да се откаже од своите мерки против сиромаштијата, бидејќи заштедите на луѓето се „топат“.
Според податоците, домаќинствата во земјата не штедат повеќе и помалку инвестираат, и покрај објавените макроекономски биланси. Ова е особено забележливо за Грците со сопствен бизнис, кој во 2017-та година забележа негативна стапка на заштеда од 8,3 милијарди евра.
Во 2017-та година, грчките домаќинства не само што не штедеа, но исто така потрошија 13,7 милијарди евра од своите заштеди. Беа инвестирани 5,4 милијарди евра – главно во купување на станови, но останатите 8,3 милијарди евра беа користени за покривање на тековните трошоци.
Ова е, исто така, евидентно од податоците дека потрошувачката го надминува износот на расположливиот доход, посочува „СЕВ“.
Организацијата забележува дека поттикнувањето на инвестициската активност – не само за домаќинствата, туку и за бизнисите – ќе помогне да се намали прекумерното даночно оптоварување.
