Со умерен оптимизам гледаат аналитичарите на британската банка „Barclays“ на перспективите за развој на грчкиот државен долг, по одлуката на Еврогрупата минатиот месец за ублажување.
Од „Barclays“ сметаат дека договорот во Еврогрупата во јуни е зголемена значително веројатноста грчките хартии од вредност да бидат вклучени во Програмата за откуп на средства (PSPP) на Европската централна банка (ЕЦБ). Одлуката најверојатно ќе биде донесена не пред следниот состанок на ЕЦБ на 26-ти јули.
Ажурираните извештаи за суверениот долг на ММФ, кои се очекува да бидат објавени овој месец, веројатно ќе играат одлучувачка улога во оваа одлука. „Фактот дека најголемиот дел од мерките за олеснување на долгот се даваат однапред и безусловно е позитивен“, вели банката.
Сепак според „Barclays“ продолжуваат да постојат различни фактори кои би можеле на крајот да влијаат негативно на грчките хартии од вредност и долгорочниот развој на државниот долг во голема мера зависи од продолжувањето на финансиските напори и од донекаде оптимистички макроекономските претпоставки.
Иако долгорочното олеснување на долговите може да биде потребно, „Barclays“ верува дека позитивниот тренд во климата на пазарот се очекува да остане во наредните месеци.
Истовремено тоа зависи од последиците за економијата од многу високите цели за буџетските вишоци, од темпото на спроведување на економските реформи од тоа дали ќе има предвремени избори во пролетта 2019-та година.
