На патот кон успехот не е само неопходно да ги правите нештата кои ќе ве доведат до него, туку и да ги избегнувате оние кои од него ве одалечуваат. Ваквото однесување може да ја загрози вашата кариера и вашиот успех затоа избегнувајте …
1. Читање мисли
Луѓе кои се обидуваат да читаат мисли, а не да слушаат. Овие луѓе прекинуваат на половина реченица, бидејќи веќе „знаат“ што сака лицето да каже, а потоа нудат одговор кој е базиран на нивното мислење, а не на она што лицето го кажало.
Совет: Обидете се активно да слушате. Бидете заинтересирани за лицето со кое разговарате и за она што тоа има да го каже.
2. Нетрпеливост
Доколку дозволите да ве вознемири тоа што целите кон кои се стремите не се остваруваат, се помали се шансите дека некогаш ќе се остварат. Ова е особено вистинито кога зависите од другите луѓе, бидејќи нетрпеливоста лесно може да се претвори во фрустрација, а фрустрираноста може да ги оштети односите со луѓето со кои соработувате.
Совет: Обидете се да се фокусирате на процесот. Еднаш кога ќе ги одредите вашите цели, оставете ги настрана и концентрирајте се на секој одделен чекор од планот за нивно остварување.
3. Тврдоглавост
Ова подразбира следење на стратегијата или тактиките кои не функционирале во минатото, или за кои знаете дека не функционираат во иднина, бидејќи не сакате да признаете дека сте направиле грешка или дека не сте ги потрошиле мудро своите ресурси.
Совет: Кога нешто не функционира, откажете се од тоа пред тоа да ве скрши вас.
4. Плашливост
Нема награда без преземање на ризик. Ако се плашите никогаш нема да станете успешни.
Совет: Секогаш верувајте и на својата интуиција. Размислувајте како успешен претприемач. Доколку чувствувате дека нешто треба да направите, направете го тоа иако тоа ве плаши.
5. Негативност
Негативните луѓе не мислат дека се негативни туку дека се едноставно реални, но овој совет го гледаат во својата сива боја. Оптимистите се оние кои се отворени за нови идеи и искуства.
Совет: Потрудете се да си го разубавите работниот ден и имајте пооптимистичен пристап кон работата.
