Грција ќе може да ги финансира своите потреби по третата програма за спасување на земјата во август, но нема да се врати во своите минати практики што ја доведоа до должничката криза. Ова го изјави грчкиот премиер Алексис Ципрас, цитиран од „Ројтерс“.
Ослободувањето на долгот што земјата го преговара со своите меѓународни доверители во јуни е клучен чекор, додаде премиерот. Тој, исто така, рече дека Грција обезбеди стабилен пристап до финансиските пазари по завршувањето на својата програма за спасување на 20-ти август.
Според Ципрас, финансискиот тампон што земјата го изгради со помош на своите доверители ќе биде доволно да ги покрие своите потреби најмалку две години.
„Обезбедивме тампон за какви било потенцијални превирања на пазарот … поради надворешни фактори“, рече премиерот.
Во септември Грција „ќе може да застане на нозе“, изјави тој, повикувајќи ги министрите да помогнат за остварување на следниот спасувачки план на Атина.
И покрај позитивниот тон, Ципрас предупреди дека земјата ќе треба да спроведе „разумна“ фискална политика во периодот по излегувањето од програмата.
„Овој нов политички пат кој сме повикани да го преземеме, новиот ден кој треба да го планираме, не може да биде вратен во минатото, кон политиките и изборите на стариот политички систем, во деновите на корупција и затајување на данок“, додаде тој.
