29 март, 2024
ПочетнаЕКОНОМИЈАСтартува летен режим на патиштата кон туристичките места, забрана за камиони за...

Стартува летен режим на патиштата кон туристичките места, забрана за камиони за викендите

Од вчера започнува со примена времениот режим на сообраќај во летниот период, од 01.07 до 31.08, на државните патишта, со кој се забранува движење на тешки товарни возила чија вкупна маса преминува 15 тони за време на деновите од викендот и за денови при екстремно високи температури.

Временските интервали се следни: петок 17-22 часот, сабота од 9-18 часот и недела од 9 до 22 часот. Во деновите со екстремно високи температури, определени од Министерство зa здравство, забранaта ќе важи и од понеделник до четврток во период од 11 до 17 часот.

Ограничувањето не се однесува на возила кои превезуваат животни, цвеќе,хуманитарна помош, жито и житни култури и леснорасиплива стока, нафта и нафтени деривати, превоз на опасни материјали и возила кои вршат превоз за компании кои имаат склучено договори за изведување на проекти на државните патишта со ЈП за Државни патишта, информираат од АМСМ.

Од вчера на магистрален пат А2 делница: Скопје-Охрид-Скопје се забранува движење на тешки товарни возила чија вкупна маса преминува 7,5 тони за време на викендите. Временските интервали се следни: петок 15:00-22:00 часот, сабота 07:00-12:00 и 18:00-24:00 часот и недела 07:00-22:00 часот.

Овој посебен режим на сообраќај се воведува во текот на летото со цел избегнување на застојот во сообраќајот на патната делница кон најпосетуваното туристичко место во Република Македонија, намалување на застоите на пунктовите за наплата на патна такса и воопшто побрз проток на возилата и непречено движење на туристите.

Ограничувањето не се однесува на возила кои превезуваат живи животни, цвеќе, хуманитарна помош, жито и житни култури и леснорасиплива стока.

НАЈНОВИ ВЕСТИ

ХОРОСКОП