Германската канцеларка Ангела Меркел изјави дека земјите од ЕУ мора да го следат примерот на Германија во затегнувањето на буџетот и реформирањето на пазарот за труд, со цел да го вратат растот.
Додека европските лидери настојуваат да излезат од рецесија и да се изборат со рекордната невработеност, Меркел ги пофали напорите на Германија за задржувањето на стабилноста на економијата во текот на кризата, неведувајќи дека 17 земји-членки на еврозоната мора да го задржат рецептот за буџетска дисциплина и унапредување на конкурентноста, пренесува агенцијата Блумберг.
„Во голем интерес на Германија е да направи се за структурните реформи и буџетската дисциплина да можат да стапат на сила и во другите земји“, изјави Меркел во своето неделно обраќање до нацијата.
Иако францускиот претседател Франсоа Оланд во својата изјава кажа дека тригодишната криза во еврозоната е готоа, растечкиот ризик од отпис на грчкиот долг и големата стапка на невработеност во земјите на Европа би можеле да предизвикаат криза.
Министрите за финансии од Шпанија, Германија, Италија и Франција ќе се сретнат на 14 јуни во Рим, со цел да се договорат за планот со кој ќе се борат против невработеност меѓу младите во еврозоната.
Меркел и Оланд се сретнаа кон крајот на минатиот месец за да разговараат за тоа прашање, најавувајќи 6 милијарди евра за борба против невработеноста.