29 март, 2024
ПочетнаЕКОНОМИЈАСАД планира да ги спречи кинеските инвестиции во американските технолошки фирми

САД планира да ги спречи кинеските инвестиции во американските технолошки фирми

Министерството за финансии на САД подготвува правила кои ќе ги спречат компаниите со најмалку 25 проценти во кинеска сопственост да купуваат американски компании во „индустриски значајни“ технолошки области, пренесоа агенциите, повикувајќи се на весникот „Волстрит џурнал“.

Според запознаени извори, цитирани од весникот, Советот за национална безбедност и министерството за трговија на САД исто така подготвуваат планови за „засилена“ контрола на извозот, за да не дозволат слични технологии да отидат во Кина.

Плановите се очекува да бидат објавени до крајот на оваа недела. Сепак, тие не се конечно подготвени и индустријата ќе има можност да ги коментира пред да влезат во сила.

Иницијативите имаат за цел да ги спречат кинеските планови наведени во стратегијата „Произведено во Кина 2025“, која предвидува Кина да стане светски лидер во 10 клучни сектори, вклучувајќи роботика, воздухопловна индустрија и автомобили со чиста енергија.

Американската влада има намера да се фокусира само на новите договори и нема да се обидува да ги расипува веќе постоечките, а планираното ограничување за инвестиции нема да прави разлика меѓу кинеските државни и приватни компании.

НАЈНОВИ ВЕСТИ

ХОРОСКОП