Авиокомпанијата „Етихад“, со седиште во Абу Даби, ќе ѝ ги позајми своите пилоти на конкурентската компанија од Дубаи – „Емирејтс“.
Компанијата од Дубаи ја потврди соработката, додека од „Етихад“ не сакале да коментираат, објави „Асошиејтед прес“.
Извршниот директор на „Емирејтс“, Тим Кларк, во април изјави дека на компанијата ѝ недостигаат пилоти, а „Етихад“ минатата недела објави загуба од 1,25 милијарди долари во изминатата фискална година.
Сопственици на компаниите се владите, а главните аеродроми на двете компании се оддалечени 115 километри.
