Проектот на УСАИД за агробизнис во Македонија денеска напладне во Куршумли ан свечено ќе ја заврши шестгодишната АгБиз програма.
Нејзина цел беше да се зголеми економскиот раст на Македонија преку проширено и еколошки одржливо производство и продажба на земјоделски производи со додадена вредност и оспособување на производителите и преработувачите да се конкурентни на регионално и глобално ниво.
– Преку поддршката на земјоделството и агробизнисот во македонската економија, АгБиз успеа да влијае на зголемувањето на приходите на сите учесници во селектираните вредносни синџири преку зголемување на продажбата, подобар пристап до финансии и подобрување на продуктивноста и севкупната деловна клима во земјоделството, соопшти УСАИД.
На свеченоста ќе се обрати министерот за земјоделство, шумарство и водостопанство Љупчо Димовски.
