„BrandZ“ го објави својот годишен рејтинг – „Најскапите брендови во светот“. Во 2018-та година, „Google“ втора година по ред ја освои првата позиција.
Рангирањето беше составено во партнерство со „WPP“ и „Kantar Millward Brown“, врз основа на одговорите на корисниците, како и сеопфатната анализа на финансиските перформанси на компаниите.
„Google“ ја задржи својата прва позиција (вредноста на брендот се зголемила за 23%), додека „Apple“ е на второ место со 28% раст на вредноста на брендот.
Покрај тоа, „Amazon“, „Microsoft“, „Tencent“, „Facebook“, „Visa“, „McDonald’s“, „Alibaba“ и „AT&T“ се меѓу првите десет.
Што се однесува до луксузните брендови, рангирањето потврдува дека има значителен раст во овој сектор.
Првото место според вредноста меѓу модните брендови е окупирано од француската модна куќа „Louis Vuitton“. Во 2018-та година, нејзината вредност се зголеми за 41 отсто на 41,1 милијарда долари, придвижувајќи го брендот на 26-тото место во рангирањето.
Зголемувањето на вредноста на италијанската марка „Gucci“ е 66%, на 22,4 милијарди долари. Ова на компанијата и го обезбеди 54-тото место. Тоа е шесто зголемување на вредноста на компанијата.
„Dior“, исто така, оствари значително зголемување – 54%, а со тоа го одбележува деветтото место меѓу најбрзо растечките брендови во светот.
Брендот „Hermès“ се искачи за две позиции на 39-тото место, покажувајќи раст од 20 отсто, во монетарна смисла тој изнесува околу 28,1 милијарди долари.
Маркетинг аналитичарот во секторот „Лукс“, Ануша Кутинген, вели дека додека ексклузивноста останува важен фактор, најважното нешто за брендовите во овој сектор е актуелноста.
Можноста да комуницирате со брендот на социјални мрежи или преку коментари за конкретни прашања ја зголемува љубовта кон брендот. На овој начин, брендови како „Louis Vuitton“ и „Gucci“ можат да ги искористат предностите на апетитот на потрошувачите за пристапност.
Од брендовите се бара да имаат можност да разговараат со своите корисници за да бидат секогаш во фокусот на вниманието, рече Кутинген.
