Европската унија (ЕУ) ги продолжи економските санкции против Русија поради анексијата на украинскиот полуостров Крим во 2014-та година со уште една година, пренесоа светските медиуми.
Во соопштението на Советот на ЕУ од денеска се вели дека тој „останува цврсто посветен на суверенитетот на Украина и територијалниот интегритет“ и продолжува „да го осудува кршењето на меѓународното право“.
Одлуката е донесена на седница на министрите за земјоделство и рибарство на 28-те земји членки во Луксембург.
Санкциите беа продолжени до 23-ти јуни 2019-та година. Тие се однесуваат за граѓаните на ЕУ и компаниите од Унијата. Санкциите забрануваат увозот на производи од Крим и Севастопол, прекинуваат секакви европски инвестиции или купувања на недвижен имот и туристички услуги таму, ги укинуваат и запираат бродовите и слетувањето на авиони на аеродромите во Крим со исклучок на вонредни ситуации, соопштија светските агенции.
Мерките вклучуваат исто забрана на извозот на некои стоки и технологии кои може да се користат за транспорт, телекомуникации или во енергетскиот сектор – особено во нафтениот и гасниот или во студијата за минерали, како и во одбранбениот и финансискиот сектор.
Забрането е обезбедување на техничка помош, брокерски, градежни или инженерски услуги поврзани со инфраструктурата во овие сектори.
Мерките, географски ограничени до Крим и Севастопол, се наметнуваат паралелно со економските санкции против Русија поради нејзината улога во украинскиот конфликт. Овие казнени мерки против Русија истекува на 31-ви јули 2018-та година.
