„Fiat“ воведе нова верзија на својот „Fiat 500X“, која го доби името „Adventurer“. Нејзината цел е да ја зголеми продажбата на кросоверот првенствено на пазарот во САД.
Во основата на новата модификација е досегашното ниво на опрема „Trekking“ што за разлика од основната варијанта има различни браници со црни и сребрени елементи. Сеопфатна листа на опрема е достапна за автомобилот, вклучувајќи 17 и 18-инчни тркала.
Новата верзија вклучува контрастна боја за надворешните ретровизори, како и дополнителни ленти на каросеријата. Во кабината се поставени специјални патосници и амблеми на моделот, а под хаубата се наоѓа 2,4-литарски атмосферски мотор со 180 КС, кој работи во комбинација со 9-степен автоматски менувач.
Модификацијата „Fiat 500X Adventurer“ може да се нарача и со погон на предните тркала, како и придвижување на двете оски. Цените започнуваат од 23.685 долари.
Компанијата се надева дека ќе ја врати продажбата на моделот кон неговите стари нивоа. Во 2016-та година од „Fiat 500 X“ во САД беа продадени 12.600 единици, но една година подоцна резултатот е 7.665 примероци. За оваа година падот е 20%.