Како сопственик на модната синџир „Zara“, шпанскиот концерн „Inditex“ се искористи до максимум, додавајќи нови технологии за да се подобри ефикасноста на онлајн и физичките операции. И тоа во момент во кој „Amazon.com“ не престанува да се насочува кон модата, коментира „Bloomberg“.
Профитот пред даноците и каматата се зголемил за 2% до 851 милиони евра во трите месеци до крајот на април, изјави шпанската компанија, со што ги надмина очекувањата на аналитичарите. Растот во продажбата во локална валута се забрза на 9% во овој квартал.
„Inditex“ воведе голем број на нови технологии во некои продавници на „Zara“ во последните месеци, вклучувајќи холографски слики на облека и роботски раце, обидувајќи се да ги избрише разликите меѓу онлајн и физичките операции. Шведскиот конкурент „Hennes & Mauritz“ доживува тешкотии со заживувањето на растот, откако модните грешки и зголемување на конкуренцијата доведоа до рекордно ниво од инвентарот од над 4 милијарди долари.
Претходно оваа година „Inditex“ го ангажираше Серџио Алварез – основач на „CartoDB“, еден од најголемите технолошки стартапи во Шпанија – за да ги поддржи дигиталните операции на компанијата.
„Inditex“ која управува и со брендовите „Pull & Bear“ и „Oysho“, забележа раст од 41% од онлајн продажбата во минатата година. Стратегијата на компанијата да се потпре на низок инвентар и брз обрт е слично на многу компании за електронска трговија, отколку на повеќето традиционални трговци.
82-годишниот основач на „Inditex“, Амансио Ортега забележува опаѓање во пласманот во ранг-листата на „Bloomberg“ на најбогатите луѓе во светот. Откако беше рамо до рамо до Бил Гејтс и Ворен Бафет лани, сега тој е број 6, надминат од нови лица, како Џеф Безос и Марк Цукерберг.
