Економијата на Франција ќе продолжи да расте со побавно темпо во вториот квартал од оваа година по слабиот почеток на 2018-та и далеку под најдобриот растечки импулс од крајот на 2017-та, покажуваат резултатите од последното истражување на Француската централна банка.
Сега таа очекува бруто домашниот производ (БДП) да се зголеми во периодот април – јуни за 0,3% во однос на првите три месеци, кога растот се забави остро до 0,2% од 0,6% на крајот на претходната година, пренесува „Ројтерс“.
Причината за оваа прогноза е падот на индексите на централната банка за мерење на деловната активност во индустрискиот и услужниот сектор.
Индексот на дејност во индустријата во мај опадна на 100 поени од 102,0 поени во април и се стабилизира на 105 поени на почетокот на годината. Сепак, анкетираните бизнисмени очекуваат значително забрзување на индустриското производство во јуни.
Активноста во сферата на услугите исто ослабнува, а соодветниот индекс се намали во мај до 101 поени од 102,0 поени во април и наспроти повеќегодишниот максимум од јануари на ниво од 104 поени (највисока негова вредност од средината на 2011-та година). Бизнис лидерите во услужниот сектор, исто така, очекуваат економска активност да се подигне во јуни.
Во исто време, индексот на аналогниот градежен сектор се зголеми во мај на 105,0 поени од 104 поени во април, достигнувајќи го својот 10-годишен максимум од 105 поени во март. Бизнис лидерите во градежниот сектор очекуваат нагло подобрување во активностите во текот на шестиот месец од годината.
Месечното истражување на централната банка сигнализира дека забавувањето на најдобриот растечки економски импулс од претходната година, што беше факт во почетокот на 2018-та година, ќе остане силен и во вториот квартал.
