Во организација на НВО „Аутизам ААМК“, во просториите на Јавна соба, денеска со почеток во 18 часот ќе се одржи хуманитарен настан „Да растеме заедно“.
Како што истакнуваат организаторите, целта е да се помогне во едукацијата, инклузивноста и различноста на лицата со аутизам во рамките на поширокото општество.
„Лицата со аутизам имаат свои потреби, желби, емоции и таленти и општеството има обврска да го почитува и поттикнува нивниот развој подеднакво како и за секој поединец. Хуманитарниот настан ‘Да растеме заедно’ има за цел да сузбие секој вид дискриминација во општеството, вклучително и на лицата со аутизам. Основна цивилизациска придобивка на секое општество е секој поединец да биде почитуван и рамноправно вклучен во општествените, социјалните и едукативни процеси“, стои во најавата за настанот, во чии рамки ќе се одржат аукција и лотарија.
Во аукцијата со свои дела учевство зеле околу 15-тина уметници од Македонија, Велика Британија и Холандија, а лотаријата ќе изобилува со разновидни награди за кои се погрижиле околу 30-тина индивидуалци и организацци.
Организаторите наведуваат дека собраните средства од настанот ќе бидат наменети за помош на семејствата со лица со аутизам.
