Министерот за животна средина и просторно планирање, Садула Дураки, претседателот на Владата, Зоран Заев, замeник министерот за животна средина и просторно планирање, Јани Макрадули, градоначалникот на општина Желино, Блерим Сејдиу и советникот за животна средина и просторно планирање, Драган Јованов, ја посетија локацијата каде се гради фабриката за рециклажа на стари гуми (RWM Rubber waste management) во општина Желино.
Според најавите, фабриката за рециклажа на гуми ќе биде единствена од ваков вид на Балканот, а предвидено е во овој погон да се вработат околу 400 луѓе. Бенефитот од рециклажата на гумите е производство на смеса која може се користи и за изградба на автопатишта, пешачки патеки, спортски игралишта и слично, соопшти Министерство за животна средина.
Објектот е со големина од 4500 м2, а е лоциран е во индустриската зона на општина Желино. Во склоп на оваа фабрика планирано е да се изградат уште две фабрики со различно производство.
