Компанијата „Apple“ според некои информации се подготвува наесен на пазарот да го пушти новиот евтин „iPhone“.
Овој паметен телефон би требало да чини околу 250 евра и секако ќе има послаби спецификации од својот „поскап“ брат.
Аналитичарите наведуваат две причини како потврда дека „Apple“ ќе премине на евтини уреди. Првата е изјавата на првиот човек на компанијата, Тим Кук дека сакаат да направат подостапни уреди, а втората е новите и големи пазари како Бразил и Индија кои бараат поевтини телефони.
Најмногу се говори за тоа каков екран ќе има овој телефон. Од неколку извори пристигна информацијата дека евтиниот „iPhone“ ќе има ретина дисплеј и ќе биде со дијагонала од 3.5 инчи, што значи дека „Apple“ се враќа на „оргиналното“ пакување на телефоните.
Можно е да ја намалат и резолуцијата, која ќе изнесува 960 x 640 пиксели како кај постариот модел. Наместо алуминум и засилено стакло, оваа врезија ќе биде изработена од поликарбонат.
Покрај тоа нема да се продава само во бела и црна верзија, туку сега корисниците ќе можат да изберат од неколкуте понудени бои.
