Денеска беше пуштен во употреба реновираниот Дневен центар за деца со аутизам во Топанско Поле како резултат на заедничка соработка помеѓу Меѓуопштинскиот центар за социјална работа на град Скопје, здружението на граѓани „Имаго плус“ и ЈУ „Завод за рехабилитација на деца и младинци“ – Скопје.
Во реновирањето на Центарот, во кој се обезбедува психосоцијален третман и поддршка за децата со попреченост и советодавна работа со нивните родители, поддршка даде и приватниот сектор, односно две фирми обезбедија дидактички материјали и играчки за децата што ќе го посетуваат Центарот.
Дневниот центар ќе го посетуваат 90 деца и тие ќе добиваат индивидуализирани услуги од специјални едукатори, логопеди и социјални работници, а тој ќе функционира во две смени од 8.30 до 19 часот.