Во ризичната игра на меѓународната трговија, поседувањето на странска валута може да ви даде многу опции за акција.
Таквите резерви можат да бидат многу корисни во заштедата на локалните валути и дури и да служат како гаранција во случај на национална економска криза. А ако валутата е во изобилност, може да помогне да се влијае на меѓународните односи.
„Visual Capitalist“ ги сумира земјите со најголеми девизни резерви според тековните податоци на Меѓународниот монетарен фонд (ММФ).
Првото место и припаѓа на Кина со импресивна сума од 3.000 милијарди долари. Второто место е исто така за земја од Азија – Јапонија, која поседува 1.200 милијарди долари. Топ пет е надополнета со Швајцарија со 785,7 милијарди долари, Саудиска Арабија со 486,6 милијарди долари и Хонг Конг – 437,5 милијарди долари.
Меѓу првите места е забележително присуството на азиските земји – шест од десет.
Ова создава впечаток дека во првите десет ги немаат големите западни економии, како што се САД и Германија, на пример. Тоа е затоа што американскиот долар и еврото се дел од најчестите валути во девизните резерви кои се користат за меѓународни трансакции. Како резултат на тоа, земјите со национални валути не треба да имаат големи резерви.
Според податоците на светските централни банки за првиот квартал од 2017-та година, повеќе од половина од девизните резерви во светот беа во американски долари – 63,5%. Втора, но со многу помал процент е еврото – 20%. Веднаш потоа, јапонскиот јен и британската фунта со 4,5%, канадскиот долар (2%), австралискиот долар (1,8%) и кинескиот јуан (1,1%).
