Естонија се откажа од плановите за воведување на национална криптовалута откако идејата доби критики од претседателот на Европската централна банка Марио Драги и претставниците на банкарската индустрија во оваа балтичка држава, соопштува „Bloomberg“.
Првичната идеја беше дека курсот на дигиталната валута „есткоин“ треба да се приврзе кон еврото и да биде достапна за сите граѓани на земјата. Сепак, овој план сега е надвор од прашање. Дигиталните естонски пари ќе им бидат понудени како дополнителен поттик за странци со електронски естонски пасоши. Тие најчесто се користат за регистрирање на компании во земјата и извршување разни финансиски и правни трансакции.
Естонија е една од најтехнолошки напредните европски земји, напоменува весникот. Неслучајно таа беше и меѓу пионерите во областа на криптовалутите, а идејата за националната „есткоин“ се појави уште во текот на летото на 2017-та година. Основачот на „етериумот“ Виталик Бутерин мораше да биде вклучен во нејзиното создавање.
Меѓутоа, набргу потоа, дојде критиката на Марио Драги, велејќи дека само еврото може да биде официјален инструмент за плаќање во балтичката држава. Според него, членовите на еврозоната немаат право да создаваат сопствени валутни единици. Слична порака ја делеше и гувернерот на Централната банка, Ардо Хансон.
„После деталните дискусии со политичарите и институциите се договоривме дека „есткоинот“ ќе се користи единствено за трансакции во заедницата на т.н. „Е-странци“. Тоа се луѓето кои поседуваат дигитални пасоши. Во моментов немаме други опции и нема да создаваме нова валута“, рече Сим Сикут, шефот на естонската „ИТ“ стратегија на владино ниво, вели за „Bloomberg“.
Креаторот на идејата за „есткоинот“, Каспар Кориус исто така, потврди дека деталите околу употребата на криптовалутата и придобивките од неа допрва ќе се анализираат.
Инаку во Естонија има издадени близу 35.000 дигитални документи за идентификација на граѓани од други држави во рамките на спонзорираната од владата програма за електронско жителство, кое дејствува од 2014-та година. Тие главно се од Финска, Русија и Украина.
Се што еден бизнисмен треба да направи за да воспостави меѓународен бизнис во Естонија, е да се пополни во краток формулар да го скенира пасошот, да прикачи своја слика и да објасни зошто сака да стане „е-граѓанин“. Регистрацијата чини само 100 евра. Тогаш таа ја разгледува естонската полиција и ако претприемачот не е вклучен во перење пари, веројатно е дека неговата апликација ќе биде прифатена.
И иако идејата да се појави привлечна, таа не е прифатена недвосмислено. „Deutsche Bank“ ја цитираше практиката за која станува збор, а една од главните причини за прекин на нејзините дописнички односи со естонските банки пред една година, се сеќава „Bloomberg“.
