Грција ги отвори граничните премини кон Македонија. АМСМ информира дека сообраќајот на граничните премини кон јужниот сосед е нормализиран за влез и за излез од земјава, по протестот на грчките цариници на три гранични премини кој се одржа деновиве.
Интензитетот на сообраќај на патните правци надвор од градските средини е умерен. На граничните премини нема подолги задржувања за влез и за излез од државата. Оваа информација се однесува само за македонската страна на премините.
