Најскапата „Skoda“ во историјата веќе е на пазарот, откако британската канцеларија на брендот претстави блиндирана верзија на караванот „Superb“.
Автомобилот обезбедува заштита од автоматско оружје со голем калибар, како и напад од гранати. Цената на караванот е повисока од онаа на „Audi S8“ – 118.688 фунти или 136.200 евра.
Од стандардниот „Superb“, оклопната верзија се разликува по непробојните од куршуми стакла, како и на каросеријата, направена од специјален челик и композитни материјали. Системите за суспензија и сопирање се зајакнуваат, а автомобилот исто така може да се вози со напукнати гуми.
Во опремата на „Skoda Superb Estate Amoured“ влегуваат уште сирени и светла, како и посебна звучна изолација во кабината. Под хаубата на моделот е 2.0-литарски дизел мотор со 190 КС. и 400 Nm.
Од британската канцеларија на компанијата не објавија какви се динамичките карактеристики на автомобилот по доработката, која го направила значително потежок од стандардниот „Superb“.
