Германија се обидува да се спротивстави на зголемувањето на изнајмувањата и цените на недвижностите со ветување дека ќе инвестира повеќе од 6 милијарди евра во изградба на нови домови, објави „Bloomberg“.
Програмата планира да се изградат 1,5 милиони станови и куќи во следните четири години, објави канцеларката Ангела Меркел. Планот вклучува обезбедување федерално финансирање од 2 милијарди евра за изградба на социјални станови, како и даночни олеснувања за промовирање на развојот на доделување на станови за лица со среден приход. Владата, исто така, обезбедува средства за да им помогне на семејствата да си дозволат сопствен дом.
„За многумина, една од жешките теми на нашето време е да се најде достапно домување. Федералната влада реагираше на ова со офанзива за домување која ќе се активира чекор по чекор“, рече Меркел.
Зголемувањето на трошоците за домување се заканува да ја раскине општествената ткаенина на Германија. Во Берлин изнајмувањата се во просек речиси повисоки 60% од 2009-та година, според податоците на „Bulwiengesa AG“. Изградбата на станови не успева да одговори на побарувачката во позадина на илјадниците луѓе во германскиот главен град секоја година.
Во април, околу 13.000 луѓе организираа протест во Берлин против зголемувањето на изнајмувањата, дополнуваат агенциите.
Обезбедувањето нови домови е крајно неопходно, рече Меркел, додавајќи дека ова е „избалансирана офанзива“.
