Групата „Google You Owe Us“, која застапува 4,4 милиони корисници на „iPhone“, со тужба до „Google“ бара 4,29 милијарди долари отштета поради неовластеното собирање податоци.
Во заедничката тужба е наведено дека „Alphabet“, компанијата во која „Google“ е составен дел, незаконски собирала лични податоци на корисниците, така што ги заобиколувала почетните поставувања во „iPhone“.
„Google“ тврди дека обвинувањата се неосновани, а ја оспорува и надлежноста на судот во Лондон, Велика Британија.
За што станува збор?
„Apple“ во 2015-та година им дозволи на корисниците на „iPhone“ и „iPad“ да инсталираат софтвер за блокирање на рекламите и другите непосакувани содржини.
„Google“, како што се тврди во тужбата, го има активирано алгоритамот кој на програмерите им овозможило следење на историјата од користењето на интеренет страни и собирање на лични информации.
Тој алгоритам најверојатно ги заобиколил почетните поставувања на прелистувачот на „Apple“ – „Safari“ кои го блокирале следењето со помош на интернет „колачиња“ (cookies).