Низ индиските железници имате можност да се возите со „Maharajas’ Express“ – најскапиот воз во државата, а можеби и во цела Азија. Доколку сакате да ги запознаете убавините и знаменитостите на големата Индија, може да присутвувате на осумдневната тура со овој воз.
Најевтино што можете да поминете е да потрошите 6.400 американски долари за целиот пат, или 800 долари по вечер. Оваа цена се однесува за едно лице и со неа добивате Делукс кабина.
Има уште два вида полуксузни кабини кои чинат 900 и 1.400 американски долари, а најскапата е претседателскиот апартман кој чини 2.500 долари. Во возот можат да се сместат 88 патника, а во цената спаѓаат и бесплатната храна и пијалак.
Возот има 24 вагони кои вклучуваат ресторани, бар, генератор, чувалиште за автомобили, спални и слично.
Секој вагон е елегантно декориран, а собите за престојување имаат телевизори, плеери, телефони, интернет, сеф и сопствено греење.
Во самиот воз има и продавница за сувенири, во која можат да се купат разни предмети, кои секогаш ќе ве потсетуваат на кралското искуство доживеано на ова патување.
Уживајте во прекрасните фотографии…