„Ford“ планира на пазарот да го лансира својот прв целосно електричен модел, кросовер со преден погон кон средината на 2020-та година.
Кросоверот наречен „Mach 1“, поради дизајнот базиран на „Mustang“, ќе биде изработен на „C2“ платформата на која настана и новиот „Focus“.
Oвој компактен „SUV“ со кодно име „CX430“ ќе има конценционален изглед на хечбек со зголемен клиренс.
„Mach 1“ е само првиот во низа електрични кросовери со кои „Ford“ планира да ги замени хечбек и лимузинските верзии во блиска иднина и да се фокусира на „SUV“ сегментот.
Овој модел би требало да поседува батерија која ќе му овозможи домет од речиси 500 километри со едно полнење, а најверојатно ќе се произведува во фабриката на „Ford“ во Мексико.
„Ford“ планира до 2022-ра да претстави 16 електрични автомобили, од кои некои ќе бидат развиени екслузивно за кинескиот пазар.
Американскиот гигант се состави тим инженери кој се нарекува „Tim Edison“ кој е задолжен за развој на електрични автомобили, а има значително поголема автономија, отколку што тоа е вообичаено во Мичиген.
Покрај „EV“ модели, „Ford“ планира и воведување на хибриден погон во моделите како што се „F-150“, „Escape“ („Kuga“ во Европа), „Explorer“ и „Mustang“.