„Газпром“ доби заем од 600 милиони евра од инвестициската банка во холдингот на „Credit Agricole“, соопшти рускиот гасен гигант на нивната страница. Заемот е за период од пет години, но не се прецизираат другите услови за него, меѓу кои и каматните стапки.
Ова е втор заем за „Газпром“ од француската банкарска холдинг-компанија. Во март 2017-та година, компанијата исто така доби 700 милиони евра за пет години. И тогаш, и сега не е познато за каква цел се зема заемот.
Енергетската компанија коментираше дека нивната соработка започнала во 1995-та година.
Банката е вклучена во многу проекти за привлекување на финансирање, како и во емисиите на обврзници на „Газпром“. Една од нив е „Северен поток“ во 2010-та година.