Францускиот парламент минатата ноќ го усвои законот за реформи во банкарскиот сектор, со што ќе биде поделена активноста на шпекулативните фондови и комерцијалните банки, но поделбата на тие активности не е комплетна како што вети претседателот Франсоа Оланд за време на изборната кампања.
Реформите подразбираат и зголемен мониторинг на активностите на пазарот и забрана за шпекулативни активности на пазарот за земјоделски суровини.
Законот ги обврзува француските банки да ги откриваат деталните податоци за своето работење и активностите во другите земји.
Пратениците ја изгласаа и одредбата за автоматска размена на фискални информации со другите земји.
„Убеден сум дека тоа е најдобриот начин да се бориме против малверзациите“, изјави министерот за економија на Франција Пјер Мосоковиси.
