Американската компанија за приватни инвестиции „Silver Lake Management Company“ постигнала договор за купување на „ZPG“, сопственик на веб-сајтовите за британските имоти „Zoopla“ и „PrimeLocation“ за 2,2 милијарди фунти (3 милијарди долари), објави „Ројтерс“.
Според условите на договорот, секој акционер на „ZPG“ ќе добие 490 пени во кеш, што значи премија до 31% од вредноста на акциите на „ZPG“ при затворањето во четвртокот, објави во петокот „Silver Lake“.
Директорите на „ZPG“, советувани од „Credit Suisse“ и „Goldman Sachs“, ги прифаќаат термините „фер и разумни“, се вели во заедничката изјава на „ZPG“.
Најголемиот акционер во „ZPG“ и издавач на британскиот весник „Daily Mail“, „Daily Mail and General Trust“, вели дека направил неотповиклива обврска да го прифати предлогот на „Silver Lake“ за целото учество во капиталот, што изнесува 29,8% од компанијата.
Договорот се очекува да биде финализиран во третиот квартал од 2018-та година.
