Паузата е одлична прилика да ги наполните батериите. Ако ја искористите паметно тоа ќе се одрази позитивно на остатокот од вашиот работен ден, а во иднина и на вашата кариера.
„Успешните луѓе паузата за ручек ја третираат како полувреме на фудбалски натпревар, простор за да се групираат и испланираат остатокот од работното време“, рече Мајкл Кер кој е меѓународен бизнис-спикер. Исто така, тој наведе и 10 навики кои се карактеристични кај успешните луѓе:
- Планираат ручек точно на половина од работното време.
- Користат одредено време за ручек и се хранат здраво.
- Излегуваат од канцеларија и шетаат.
- Разговараат со колегите.
- Прават план за остатокот од денот.
- Вежбаат (ако имаат услови за такви активности).
- Размислуваат за она што го направиле.
- Читаат или сурфаат на интернет.
- Ги прават работите во кои што уживаат.
- Размислуваат за својата кариера.