Сопствениците на бизниси најчесто знаат да ги натрупаат сите обврски на само неколку вработени и да штедат така што нема да вработат нови лица. Внимавајте ова е голема грешка, во ваквите моменти се јавува големо незадоволство кај вашите сегашни вработени, на овој начин ризикувате да ги загубите нив.
Прашањето е: Кога е вистинскиот момент за ангажирање на нов вработен? Еве неколку ситуации кои наговестуваат на таквите потреби:
1. Вработените премногу работаат и се жалат – да се разбереме, некои вработени се жалат нон-стоп, некои пак скоро никогаш! Но, доколку повеќето од нив ви дадат до знаење дека работаат повеќе и понапорно, тогаш е време за испитување. Поразговарајте со вработените околу тоа што е причината и како може да се реши проблемот. Доколку анализите навистина покажуваат зголемен обем на работа и зголемени нарачки – тогаш можни се 2 опции: или преструктуирање на обврските или ангажирање нови лица.
2. „Јас би работел и повеќе – кога би имал време” – ако вработените сакаат да сработат повеќе а намаат доволно време на располагање, време е да им го овозможите тоа време.
3. Имате зголемено производство и нарачки – ако зголемувањето на ангажманот е континуиран, не е сезонски или еднократен, и ако е во постојан нагорен тренд – време е за нови вработувања.
4. Имате прилика да го проширите пазарот – на други дејности или други региони. Ова можеби ќе биде природно и очекувано за вас како претприемач, но не и за вработените. Запрашајте се колку дополнителни активности би можеле да имаат, и како би се справиле со нив, а потоа делувајте.
5. Вештините на вработените не се доволни – можеби за сегашното ниво се сосема во ред, но со планираниот раст може да им се потребни нови или надополнување на некои од постоечките вештини. Понекогаш е поевтино истите да ги „купите” одошто да ги „стекнете”.
Вработувањето на нови лица не е воопшто лесно и едноставно. Затоа внимавајте кога и кого ангажирате.
