„Brabus“ ја претставија новата програма за „Mercedes GL63 AMG“. На прв поглед овој модел има многу агресивен изглед кој се содржи од широк боди кит со модифицирани браници, големи крила и спојлер на задниот капак.
Кросоверот има нов заден дифузор, спортски издувен систем од нерѓосувачки челик, „high-performance“ сопирачки и модул за пониско потпирање кој го прави автомобилот понизок за 30 мм. Во понудата има три големини на бандажи од 21 инчи, 22 инчи или 23 инчи кои би можеле да дојдат директно со гумите на „Yokohama“ или „Pirelli“.
Промените во внатрешноста не се многу, но за сметка на тоа се доста видливи. „Brabus“ вметнале алуминиумски педали, волан со нивната ознака, како и брзиномер со бројката 320. По желба на клиентот може да се додадат и нови осветлени прагови, елементи од дрво и специјален тапацир од кожа или алкантара.
Подобрувања има и кај моторот кој е 5.5-литарски V8 и добил „PowerXtra“ со кој „GL63 AMG“ е подобрен на 620 КС и 820 Nm вртежен момент или зголемување од 63 КС и 60 Nm. Ова му овозможува да забрза од 0 до 100 км / ч за 4.7 секунди.