Централната банка во Иран официјално ја забрани употребата на криптовалутите во финансиските трансакции, со цел спречување кривични дела од типот на перење пари и тероризам.
Според објавената листа од страна на „Donya-e-Eqtesad“, забраната се однесува на сите монетарни и финансиски центри во земјата, вклучувајќи ги и банките, финансиската индустрија и менувачниците, пренесува агенцијата „ AP“.
Овој потег е направен од страна на иранските власти за да можат да го контролираат пазарот на валутите откако националната валута – Ријал, овој месец падна на најниската вредност откако постои на пазарот.
Иако, употребата на криптовалути, како што е биткоинот, никогаш не ни била одобрена во Иран, тие биле секогаш достапни на паралелните пазари.
Имено, криптовалутите се креираат и разменуваат независно од банките и владите.