Претставници на хрватската Влада и 11 синдикати на вработени во јавните и државните служби постигнаа договор за плати, по што е откажан генералниот штрајк на вработените во тие служби, што беше најавен за утре наутро.
– Штрајк нема да има, Владата и синдикатите постигнаа договор, рече министерот за образование, наука и спорт Жељко Јовановиќ и додаде дека „Владата нема да го купува социјалниот мир и нема да се задолжува за исплата на платите“.
– Владата сака да потпише договор кој е остварлив за двете страни, рече Јовановиќ.
Синдикатите во досегашниот тек на преговори бараа да им се врати три отсто од бруто платите за колку се намалени во почетокот на годината и тоа кога во земјата ќе се оствари одреден економски раст.
Владата предложи платите на вработените во државните и јавни служби да се зголемат кога БДП ќе се врати на нивото од пред кризата, односно од 2009 година, бидејќи тоа би исплата на зголемувањата.
