Американскиот ланец на кафулиња во Старзбург одлучи да ги затвори сите под нивно водство во САД, поради бранот на негативни реакции кои произлегоа поради апсење на двајца Афро-американци во еден од нивните кафулиња, настан кој беше протумачен како расистички чин.
На тој начин, корпорацијата сака да го зачува својот углед, кој е загрозен поради инцидентот кој се случи во Филаделфија во четвртокот.
Настанот е снимен од страна на една клиентка, а снимката во текот на викендов се прошири на социјалните мрежи.
На снимката се гледа како двајцата афро-америкаци се уапсени иако, седат мирни и не прават никаков прекршок во објектот.
Видеото предизвика бурни критики и креирање хаштаг кој го искажува револтот кај луѓето и порачува бојкотирање на „Starbucks“. #boycottstarbucks.
Полицијата беше повикана на лице место, а адвокатот на двете лица изјави дека тие не ни порачувале нешто, само го чекале нивниот пријател.
„Starbucks“ ќе затвори повеќе од 8.000 кафулиња, и ќе организира курс за идните работници со цел да се спречи дискриминацијата во нашите локали“, објави компанијата.
Курсот ќе биде организиран за 175.000 работници, вклучуваќи ги и адмиистративните и комерцијалните служби. Во иднина ова ќе се практикува и за сите идни работници.
Целта на компанијата е сузбивање на расистички предрасуди, спречување дискриминација и осигурување дека сите клиенти ќе се чувствуваат сигурно и безбедно, истакнува компанијата.